Android 7.0 versiyasiga yangilangan Samsung Galaxy S7 va S7 Edge’da ko‘k nur filtri paydo bo‘ladi
Bundan bir necha kun avval Samsung Galaxy S7 va Galaxy S7 Edge smartfonlaridagi Android Nougat dasturining interfeysi haqida saytimizda xabar bergan edik. Kundan-kunga ushbu flagmanlardagi Android 7.0 versiyasiga tegishli yangi tafsilotlar paydo bo‘lmoqda.
Bugun 4PDA nashrida e’lon qilingan xabarga ko‘ra, Galaxy S7 va Galaxy S7 Edge smartfonlariga mo‘ljallangan Android 7.0 dasturining beta-versiyasiga ko‘k nur filtri tatbiq etilgan. Bunday funksiya ilk marotaba Galaxy Note 7 modelida paydo bo‘lgan edi. U ishlash xususiyati bilan iOS’dagi Night Shift funksiyasiga o‘xshash.
Ko‘k nur filtri displeqdan chiqadigan ko‘z uchun zararli ko‘k nurlarni kamaytiradi. Ushbu yangilik, ayniqsa, smartfondan yaxshi yoritilmagan sharoitlarda foydalanganda juda qo‘l keladi va ekrandan chiqadigan zararli ko‘k nurni bartaraf etadi.
