AnTuTu talqini bo‘yicha eng tezkor 10 smartfon: xitoylar ilg‘or

Har chorakda AnTuTu eng kuchli o‘nta smartfon ro‘yxatini e’lon qiladi. Odatda ro‘yxatning eng yuqorisida Apple va Samsung flagman modellari turar edi. Ular o‘z o‘rnini hech kimga bergisi kelmasligi aniq, ammo Xitoy smartfonlar ishlab chiqaruvchilari o‘z flagmanlari natijalarini tobora yaxshilab borishmoqda. 2016 yil birinchi choragidagi top-o‘ntalikning beshtasini aynan xitoy ishlab chiqaruvchilari band etishdi. Jumladan, Xiaomi Mi 5 136875 ball bilan birinchi o‘rinda tilga olindi.

Eslatib o‘tamiz, mazkur smartfon to‘rt yadroli Qualcomm Snapdragon 820 protsessori va Adreno 530 grafik tezlatkichi bilan ta’minlangan. Tezkor xotira hajmi 3 yoki 4 Gb, ekran sig‘imi 1920x1080. Ikkinchi o‘rinni esa 134599 ball bilan Samsung Galaxy S7 edge flagmani egalladi. Faxrli uchinchi o‘rin iPhone 6s`ga nasib etdi. Ro‘yxatning to‘liq ko‘rinishi quyidagi suratda.