Boshqa IT-magnat bir sutka davomida "jahonning eng boy kishisi" bo‘ldi
Bloomberg hamda Forbes nashrlarining ma’lum qilishicha, Amazon kompaniyasi asoschisi Jeff Bezos $92.3 milliard dollar mablag‘ bilan 1 kecha-kunduz davomida "jahonning eng boy kishisi" degan maqomni ushlab turishga muvaffaq bo‘ldi. Bu nufuzli maqom bir sutkadan so‘ng yana Microsoft asoschisi, $90.8 milliard dollar sohibi Bill Geyts ixtiyoriga o‘tgan.
27 iyulda 2017 yilning 2-choragi bo‘yicha hisobotlari e’lon qilingach, Amazon aksiyalarining NASDAQ birjasidagi bahosi 3 foizga arzonlashadi va Bezos sayyoramizning eng boy kishilari reytingida 2-o‘ringa tushadi.
Bir yil ichida kompaniya daromadi 25% ga ko‘tarilgan va ayni paytda 38 mlrd dollarni tashkil qiladi. Shu bilan birga, sof daromad 77% ga qisqargan va 197 mln dollarni tashkil qiladi. 2016 yilning 2-choragida Amazon 857 mln dollar daromad ko‘rgan edi.
Bezos Amazon kompaniyasi daromadining 17 foiziga egalik qiladi. Joriy yilning o‘zida uning hisobidagi mablag‘ $24.5 mlrd dollarga ko‘paygan. Yil boshida Amazon asoschisi jahonning 4-raqamli eng boy kishisi edi. Milliarder qisqa fursat ichida boylik orttirish bo‘yicha Berkshire Hathaway rahbari Uorren Baffetni hamda Inditex asoschisi Amansio Ortegani ortda qoldirgan.
