Geymerlar poyga simulyatorida yangi rekord o‘rnatishdi
Buyuk Britaniya, Fransiya, Germaniya, Italiya va Ispaniyadan bo‘lgan beshta professional geymer poyga simulyatorida “eng uzoq vaqt” o‘yin o‘ynash orqali Ginnesning rekordlar kitobiga kirishdi. Ular Forza Motorsport 6 simulyatoridagi Sarte trassasini Ford GT kupesida bosib o‘tishgan. Jami yurilgan masofa 41 004 virtual kilometrni tashkil qildi.
Virtual o‘yin 48 soat 29 daqiqa 21 soniya davom etgan. Bu aynan mana shu dissiplinadagi avvalgi rekorddan 28 daqiqaga ko‘p. O‘yin davomida ishtirokchilar 32 ta energetik ichimlik, 146 shisha suv, 47 shisha gazlangan suv ichishgan, taxminan 3 kg atrofida turli shirinliklar iste’mol qilishgan.
Har bir ishtirokchi Ford GT kupesida o‘rtacha 9 soatdan vaqt sarflab, 603 ta aylanani bosib o‘tgan.
Ford Chip Ganassi Racing jamoasining piloti Shtefan Myukke mazkur virtual poygaga yuqori baho bergan. “Ular juda og‘ir ishni amalga oshirishdi. Bunday poyga xuddi La-Mandagi haqiqiy poyga singari kuchli konsentratsiya, har bir detalga e’tibor va chidamni talab qiladi. Geymerdar bizdan ko‘ra ikki karra ko‘p vaqtni shturvalda o‘tkazishdi”, — deydi Myukke.
Eslatib o‘tamiz, shu yil La Manda o‘tkazilgan 24 soatli marafonda Ford GT kupesida harakatlangan AQSh jamoasi LM GTE Pro tasnifida g‘alabaga erishgan edi.
