Germaniyada qochoqlar uchun mobil ilova ishlab chiqildi
Dastur mamlakatga yaqinda tashrif buyurgan muhojirlar uchun yaratilgan. U qochoqlar mamlakat hayotiga tez moslashishlarida ko‘makchi bo‘ladi, deb uqtirilmoqda.
Smartfonlarga o‘rnatiladigan ilovaning nomi Ankommen-app. Ilova yaratilishi haqida o‘tgan yilning oxirlarida aytilgan. Ankommen-app ilovasi GFRda qochoq maqomini olishni istaganlarga maslahat beradi. Bundan tashqari ish qidirish, nemis tilini o‘rganishda yordam beradi. Ilova o‘zida Germaniyaning tayanch qonunlari va qator huquqiy ma’lumotlarni jamlagan. Ankommen-app interfeysi ko‘plab tillarda jumladan, ingliz, fransuz va arab tillarida ishlangan. Ilova ustida ishlashga muhojirlik va qochoqlar masalalari bo‘yicha Federal mahkama hamda Bayerischer Rundfunk va Gyote instituti xodimlari hissa qo‘shishdi.