HP EliteBook 800 seriyasidagi yangi noutbuklarni namoyish qildi

AQShning HP kompaniyasi Kaby Lake avlodidagi Intel protsessorlari bilan jihozlangan EliteBook 800 seriyasidagi yangi noutbuklarni taqdim qildi, deb yozmoqda PHP nashri.

Ammo zamonaviy protsessorlar ushbu noutbuklardagi yagona yangilik emas. Misol uchun EliteBook 800 G4  modeli takomillashgan BIOS himoya tizimiga ega bo‘lgan. EliteBook 800 seriyasidagi yangi modellar 2017 yilda sotuvga chiqariladi. Bu gal seriyadan 12,5 14, va 15,6 dyuymli ekranga ega bo‘lgan noutbuklar o‘rin olgan.

Seriyadagi eng kichik hajmli EliteBook 820 G4 modeliga 12,6 dyuymli Full HD aniqligidagi ekran o‘rnatiladi. Shu bilan birga, mazkur noutbukka 32 GBgacha operativ xotira joylash mumkin bo‘ladi.

EliteBook 840 G4 esa piksel nisbati 2560x1440 nuqta bo‘lgan 14 dyuymli ekran bilan jihozlanadi. Batareyasining sig‘imi seriyadagi eng kichik modelnikiga qaraganda yirikroq.

Seriyadagi eng yirik noutbuk – EliteBook 840 G4 modeliga 15,6 dyuymli ekran joylanadi, aniqligi 4K formatida bo‘lishi aytilmoqda. Biroq uning HD va Full HD formatidagi versiyalari ham tayyorlanishi mumkin.

Hozircha yangi noutbuklarning narxi ma’lum qilinmagan.