Huawei Mate 9 – eng kuchli Android smartfon
Kuni kecha Xitoyning Huawei kompaniyasi o‘zining navbatdagi flagmani – Huawei Mate 9 fabletini rasman namoyish qildi. 4PDA saytining yozishicha, flagman bugungi kunning eng kuchli protsessori Kirin 960 bilan jihozlangan. Bundan tashqari, model Leica kompaniyasi bilan hamkorlikda yaratilgan butunlay yangi qo‘sh kameraga (20MP + 12MP) ham ega bo‘lgan. Old kamera aniqligi – 8 MP.
Huawei Mate 9 smartfoni 4 GB tezkor xotira, to‘liq metall korpus, 5,9 dyuymli Full HD ekran (393 ppi) bilan ta’mnlangan. Ekran aniqligi 2K bo‘lmaganligi sababli, tasvirni yuklash paytida protsessorga ortiqcha og‘irlik tushmaydi.
Korpusning orqa tarafida barmoq izi skaneriga mo‘ljallangan dumaloq sensor mavjud. Unga USB Type-C porti, NFC modul, 3,5 millimertli naushnik sloti o‘rnatilgan.
Qurilma Android 7.0 Nougat dasturida ishlaydi. Batareya sig‘imi – 4000 mA/soat.
Huawei Mate 9 flagmani 699 yevro narxida tez orada sotuvga chiqariladi.
