Internetda #BoburDay aksiyasi o‘tkazilmoqda
O‘zbekistonlik tashabbuskor yoshlar tomonidan 14 fevral, yakshanba kuni soat 14:00 dan boshlab navbatdagi virtual aksiyaga start beriladi.
Shu kuni Twitter mikrobloglar xizmatining o‘zbekistonlik faol foydalanuvchilari mutafakkir va davlat arbobi Zahiriddin Muhammad Bobur tavalludining 533 yilligiga bag‘ishlangan #BoburDay heshtegini jahon trendiga olib chiqish uchun harakat boshlaydi.
Ularga o‘zbek estradasi, kino san’atining yorqin vakillari ham yaqindan yordam beradi.
Foto: Proud to be Uzbek
Foto: Proud to be Uzbek
Aksiyada barcha ijtimoiy tarmoqlarning faollari #BoburDay yozuvi (heshtegi)ni ishlatgan holda post qoldirib, ishtirok etishi mumkin.
Foto: Proud to be Uzbek
Eslatib o‘tamiz, o‘zbekistonlik yoshlar 9 fevral kuni Twitter’da Alisher Navoiy tavalludining 575 yilligiga bag‘ishlangan #Navoiy575 heshtegini jahon trendiga olib chiqishga muvaffaq bo‘lgandi.
Manba: Daryo.uz
