iPhone 7’ning ilk sifatli suratlari e’lon qilindi
Taniqli insayder, Apple mahsulotlari bo‘yicha mutaxassis Sonni Dikson o‘zining Twitter tarmog‘idagi sahifasida “Olma” korporatsiyasining hali taqdim etilmagan – iPhone 7 flagmanining yuqori sifatli suratlarini e’lon qildi. Suratlarda bazaviy iPhone 7 va uning takomillashtirilgan talqini – iPhone 7 Pro namoyish etilgan. iPhone 7 Pro’da bosh kamera qo‘sh ob’yektivli.
So‘nggi marotaba mazkur smartfon o‘rin olgan videoda ko‘k rangli iPhone 7 namoyish etilgan bo‘lsa, mazkur suratlarda flagmanning pushti korpusli talqini o‘rin olgan.
Ko‘rib turganimizdek, orqa paneldagi antennani yopib turuvchi plastik chiziq yana ham yuqoriga, tom qismiga surilgan. Korpusda 3,5 mm audio-konnektor yo‘q. Uning o‘rniga dinamik o‘rnatilgan. iPhone 7 kattaroq hajmdagi kameraga ega bo‘lgan. iPhone 7 Pro 2 ta bosh kamera bilan ta’minlangan.
Ammo bu suratlarda avvalgilaridagi kabi, Smart Connector porti mavjud emas.