iPhone 7dan quloqchin ulagichlari yo‘qolishi rostmi?
Macotakara blogida yozilishiga ko‘ra, iPhone 7ning quloqchin ulagichi (naushnik raz’yomi) yo‘qolishi mumkin. Bunga sabab smartfonning yanada yupqalashganligi bo‘ladi.
Smartfon 1 mmga yupqalashgach, 3,5 mmli audioulagichdan voz kechiladi. Quloqchin va minigarnitura Lightning porti yoki Bluetooth orqali ulanadi. Shu bilan birga smartfonda raqamli-analogli o‘zgartkichga ega Lightning interfeysi bo‘ladi.
Aksessuar ishlab chiqaruvchilar endi Lightingga mos shnurlar ishlatishi lozim. Yoki 3,5 mmli audioulagichni Lightning portiga moslagichdan foydalanishga to‘g‘ri keladi.
