LG chivinlarni qochiradigan televizor ishlab chiqardi
Kun.Uz‘ning yozishicha, LG kompaniyasi chivinlarni cho‘chitish tizimi bilan jihozlangan Mosquito Away televizorlar liniyasini namoyish qildi. Bu haqida The Next Web xabar qildi.
Texnologiya ultratovushdan foydalangani bois kivmyoviy moddalarga nisbatan sog‘liq va atrof-muhit uchun xavfsizroq hisoblanadi.
Ishlab chiqaruvchilarning ta’kidlashicha, Mosquito Away hattoki televizor o‘chiq paytida ham ishlashda davom etadi.
Boshqa parametrlar bo‘yicha yangilik keng ommaga mo‘ljallangan zamonaviy LED-televizor hisoblanadi. Mazkur qurilmalar Hindistonda ishlab chiqarilishi tufayli ular Hindiston bozoriga mo‘ljallangan, ular shuningdek issiqlik va yuqori namlikdan ham himoyaga ega bo‘lishdi.
Chivinlarni cho‘chituvchi televizorning narxi uning diagonaliga bog‘liq (26900 rupiydan 47500 rupiygacha). Uning Hindistondan tashqarida sotilishiga oid xabarlar yo‘q.
