Nubia Red Magic 7 smartfonining taqdimot sanasi ma’lum bo‘ldi
Bir necha oydan beri ko‘pchilikning diqqat e’tiborida bo‘layotgan Red Magic 7 qurilmasining qachon taqdim etilishi ma’lum bo‘ldi.
Kompaniyaning rasmiy bayonotiga ko‘ra, smartfon 17 fevral Xitoy vaqti bilan soat 15:00 taqdim etiladi.
Nubia'ning Weibo platformasidagi posterida “seriya“ yozuvini ko‘rish mumkin. Demak, tadbirda bittadan ko‘p smartfon taqdim etiladi.
Red Magic 7 modeli TENAA tomonidan sertifikatlangan bo‘lsa, Pro model 3C tomonidan sertifikatlandi hamda ushbu model 165 vatt quvvatlash texnologiyasi bilan jihozlanishi ma’lum bo‘ldi.
Shuningdek, ikki qurilma Snapdragon 8 Gen1 chipi hamda ekranosti selfi kamerasiga ega bo‘ladi.
