Onda ikkita operatsion tizimda ishlaydigan planshet chiqardi
Onda kompaniyasi V10 markasidagi 10,1 dyuymli sensorli ekran bilan jihozlangan gibrid planshetni namoyish qildi, deb xabar bermoqda 3D News.
Planshetga ikkita 64-bitli Cortex-A72 va Cortex-A53 chiplaridan tashkil topgan MediaTek MT8173 protsessori o‘rnatilgan. Takt chastotasi 2,0 GGs. Grafikani magination PowerVR GX6250 kontrolleri orqali qayta ishlanadi, operativ xotira sig‘imi – 4 GB, unda Wi-Fi 802.11ac va Bluetooth 4.0 interfeyslari, GPS, 8/2 MPli kameralar ko‘zda tutilgan.
Qurilmaning doimiy xotirasi 64 GB. microSD uchun qo‘shimcha slot mavjud. Batareyasining sig‘imi – 6600 mA/soatdan iborat.
Planshet Android 6.0 va Phoenix OS platformalarida ishlay oladi. Identifikatsiya uchun markaziy tugmaga sozlangan daktiloskopik sensor javob beradi. Qurilmaning narxi hozircha ma’lum qilinmagan.