O‘tgan haftada trendda bo‘lgan top 10 smartfon (o‘ttiz uchinchi hafta)

Mirzoxidbek
2033
19.08.2019 10:42

2019 yilning o‘ttiz uchinchi haftasi ham yakunlandi. Bu hafta mobil olamda ulkan voqealarga boy bo‘ldi. Bunday deyishimizga asosiy sabalardan biri shuki, o‘tgan haftada ko‘plab smartfonlar haqida ma’lumotlar oshkor bo‘ldi va boshqa qator gadjetlar taqdim qilindi. Quyida 12—18 avgust sanalarida internetda eng ko‘p qidiruv berilgan smartfonlar o‘ntaligi bilan tanishamiz.

Taqdimotidan ikki hafta o‘tib ham Samsung Galaxy Note 10 lineykasi flagmanlari mashhurlikni qo‘ldan bermayapti. Bu safargi ro‘yxatimizda ushbu oilaning Plus versiya flagmani birinchilikda. O‘tgan haftada esa Note 10 ushbu o‘rinda turgan edi.

Galaxy A50 S Pen'li fabletlar orasiga tushib olib, ikkinchi o‘rinni qayd etdi. Biroq smartfonning 5G talqini esa top o‘ntalikka kirmadi ham.

Bu Galaxy A70 va Redmi Note 7'lar foydasiga ishlab, har ikkisi bir pog‘ona ko‘tarildi: texnoishqibozlar qiziqishini o‘ziga torta olishda bu ikki gadjet mos ravishda to‘rtinchi va beshinchi bo‘ldi.

Galaxy A90 hali beri taqdim qilinmagan bo‘lsa ham, o‘z muxlislariga ega bo‘lib ulgurgan ko‘rinadi. Nima bo‘lganda ham, tabriklaymiz. Oltinchi o‘rin.

Xiaomi Mi 9T Pro yettinchi o‘rinni saqlab qolgan bo‘lsa, Galaxy A30 ikki pog‘ona yuqorilab, sakkizinchi o‘ringa ko‘tarildi. To‘qqizinchi o‘rinda koreyslarning Galaxy A20'si.

Kuchli o‘ntalikni yaqinda taqdim qilingan HTC Wiodfire X quyi toifa telefoni egallab, HTC'ning yana bozorga qaytganligidan dalolat bermoqda.