O‘z vaqtida 1G ham qimmat bo‘lgan!
Oldidan raqam qo‘yiladigan «G» harfi inglizcha «generation» — simsiz aloqa «avlodi» tushunchasining qisqartirilgan shakli bo‘lib hisoblanadi, masalan, hozirgi davrda keng tarqalgan 4G formati barchaga ma’lum. 1970-yildan boshlab to‘rtta asosiy avlod yaratilgan edi, hozir esa beshinchi avlodning guvohi bo‘lamoqdamiz. Simsiz ma’lumotlar uzatishning birinchi avlodini ishlab chiqish o‘tgan asrning 70-yillarida amalga oshirila boshlangandi, 80-yillarga keliboq uch standart: Nordic Mobile Telephone (NMT), American Mobile Phone System (AMPS) va Total Access Communication System (TACS) dan foydalanganlar. Birinchi avlod 1G formatida modem yordamida analogli ma’lumotlar uzatishda o‘sha davr simsiz aloqa muammosi bo‘lgan shovqinni kamaytirish hamda to‘siqlarni bartaraf etish imkonini bergan. Mazkur kanal orqali qo‘ng‘iroqdan tashqari, boshqa hech bir axborot uzatilmagan, biroq ma’lumotlar uzatish umumiy tezligi taxminan 1,9 kbit/s.gacha yetgan. Telefonlar narxi ancha arzonlashgan, biroq baribir, oddiy xaridor uchun qimmatlik qilardi.
1990-yillarda tarmoq foydalanuvchilarining soni butun dunyo bo‘yicha 20 millionga yetgandi. U davrlarda, ayniqsa, tarmoq yetishmovchiligi muammosi mavjud edi: ma’lumotlar uzatish tezligi juda past, turli mamlakatlarda turlicha standartlardan foydalanilardi, qo‘ng‘iroqlar va qurilmalar narxi qimmat bo‘lgan.
Vaqt o‘tgan sari tarmoqning yangi avlodlari chiqarildi. Ammo talab ham shunga yarasha oshib bormoqda.
O‘QING: Niderlandiyada yuzdan ortiq qushning o‘limiga sabab bo‘lgan 5G sinovini UzMobile O‘zbekistonda ham o‘tkazdi