O‘zbekistonda birinchi marta moliyaviy texnologiya markazi ochildi

O‘zbekistonda birinchi marta moliyaviy texnologiya markazi ochildi

20 dekabr kuni Toshkent shahridagi Inha universitetida «Sanoat Qurilish Bankning moliyaviy texnologiya markazi» («Financial Technology center of Sanoat Qurilish Bank») ning ochilish marosimi bo‘lib o‘tdi.

Ushbu markaz, universitet talabalariga turli axborot-kommunikatsiya texnologiyalari (AKT) yordamida bank biznesining barcha yo‘nalishlari bo‘yicha nazariy bilimlarini amaliyotda sinab ko‘rishga va bu boradagi ko‘nikmalarini mustahkamlashga qulay sharoit yaratadi. Bu haqda AKT vazirligi matbuot xizmati ma’lum qildi.

Ma’lumki, «Sanoat Qurilish Bank» bilan Toshkent shahridagi Inha universiteti o‘rtasida o‘zaro hamkorlik memorandumi imzolangan edi. Mazkur kelishuvga ko‘ra, universitet binosida bank xizmatlari va amaliyotlarini avtomatlashtirish bo‘yicha «Sanoat Qurilish Bank»ning moliyaviy texnologiya markazi” («Financial Technology center of Sanoat Qurilish Bank») tashkil etildi.

Bu tadbir asosida bank va SAP kompaniyasi vakillari Markazda dasturiy ta’minotlar yaratish, ularni bank AKT tizimiga joriy qilish, shu sohada yangi bank xizmatlari uchun biznes jarayonlarni tashkil etish va tahliliy hisobotlarni yaratish, shuningdek dasturiy ta’minotlarga texnik xizmat ko‘rsatish bilan talaba yoshlarning biznes borasidagi bilim va tajribalarini kengayishiga imkon yaratadi.

O‘QING: Innovatsion rivojlanish vazirligi nimalarni qoyillatdi? Hammasiga javob berdi!

Sayt yangiliklaridan doimiy xabardor bo'lish uchun Telegram kanalimizga qo'shiling!