Samsung’ning yig‘iladigan smartfoni renderlarda paydo bo‘ldi
Samsung kompaniyasining yig‘iladigan form-faktordagi smartfon ustida ishlayotgani borasida bir necha yildan beri turli mish-mishlar yuribdi. Bu gal esa Sammobile nashrida yana Janubiy Koreya gigantining taxminlarga ko‘ra Project Valley (ikkinchi nomi Galaxy X) degan yig‘iladigan smartfoniga qarashli renderlar e’lon qilindi.
Samsung’ning so‘nggi patentlarilaridan birida smartfonni yig‘ishga xizmat qiladigan mexanizm batafsil ta’riflangan. Patentda ko‘rsatilganidek, Project Valley yoki Galaxy X korpusining o‘rtasiga telefonni bukishga yordam beradigan maxsus mexanizm o‘rnatiladi. Bundan tashqari, mazkur smartfon telefonning holatiga qarab o‘zgaradigan interfeysga ega bo‘lishi ham taxmin qilinmoqda.
Hozircha Galaxy X qachon namoyish etilishi noma’lum. Ammo taqdimot 2017 yilda bo‘lib o‘tishi kutilmoqda.
