Spotify obunachilari soni 299 millionga yetdi
Spotify 2020-yilning ikkinchi choragi uchun moliyaviy hisobotini taqdim qildi va unga ko‘ra, shved striming xizmatining oylik faol foydalanuvchilari soni 299 millionga yetdi.
Bu esa o‘tgan yilning mos davriga nisbatan 29% lik, joriy yilning birinchi choragiga nisbatan esa 5% lik o‘sish demakdir.
Premium obunachilardan keladigan daromad ham oshdi. Shimoliy Amerikada o‘sish ko‘rsatkichlari kutilganidan yaxshiroq bo‘ldi, ham obunachilar soni, ham daromad miqdori 2019-yildan buyon barqaror ravishda o‘sib kelmoqda.
Foydalanuvchilar soni (million) | 2019-yil ikkinchi choragi | 2020-yil birinchi choragi | 2020-yil ikkinchi choragi |
Oylik faol foydalanuvchilar umumiy soni | 232 | 286 | 299 |
Premium obunachilar | 108 | 130 | 138 |
Bepul foydalanuvchilar | 129 | 163 | 170 |
Hindistonda ham kutilganidan yaxshiroq natijalar qayd etildi. Bunga sabab marketing kampaniyalari qilib ko‘rsatilmoqda. Lotin Amerikasi va dunyoning boshqa mamlakatlarida yillik o‘sish ko‘rsatkichlari mos ravishda 33% va 58% bo‘ldi.
O‘QING: Spotify Rossiya, Qozog‘iston va yana bir qator davlatlarga kirib keldi