Stigo L1e – yig‘iladigan elektrli skuter
Yaqinda Yevropada yig‘iladigan konstruksiyasidagi elektrda harakatlanadigan Stigo L1e skuteri sotuvga chiqarildi.
Qurilmaga 250 Vatt birlikdagi elektr motor va litiy-ionli batareyalar o‘rnatilgan. Skuterning maksimum tezligi – 25 km/soat. Ishlab chiqaruvchining ta’kidlashicha, skuter bir marta to‘liq zaryadlangach, 30 km atrofida masofa bosadi. Qurilmani oddiy elektr rozetkasidan quvvatlash mumkin.
Yig‘iladigan konstruksiyasi skuterning asosiy xususiyati hisoblanadi. Transport vositasini bir necha soniya ichida yig‘ish va qayta ochish mumkin. Og‘irligi – 13,9 kg, yig‘ilgan holatda u 48 x 40 sm joy egallaydi, xolos. Shuning uchun skuterni mashina yukxonasiga joylash, jamoat transportlarida muammosiz ko‘chirish mumkin. Bundan tashqari, yig‘ilgan skuterni maxsus g‘ildirakchalar yordamida tortish mumkin. Bu albatta, foydalanuvchiga qo‘shimcha qulaylik beradi.
Skuterga tezlik va qolgan batareya zaryadini ko‘rsatadigan displey ham o‘rnatilgan.
Stigo L1e modelini 1700 yevro evaziga xarid qilish mumkin.
