Telegram ayrim mamlakatlarda ishlamay qoldi
Bundan bir necha kun muqaddam, aniqrog‘i 2 fevral kuni Toshkent vaqti bilan soat 19:00 lar atrofida Yevropa va Yaqin Sharqda yashaydigan ayrim foydalanuvchilar Telegram messenjerining ishlashida kuzatilgan muammo yuzasidan shikoyat qilishgan. Kompaniya yuzaga kelgan nosozlikni tezda bartaraf etishga va’da bergan, deb yozmoqda vc.ru sayti.
Telegram vakilining qayd etishicha, muammo serverda yuz bergan nosozlik sababli kelib chiqqan. Ushbu holat 2013 yilda VKontakte tarmog‘ida ro‘y bergan nosozlikka o‘xshaydi. O‘sha paytda hali Pavel Durov mazkur ijtimoiy tarmoqni boshqarar edi.
Messenjer vakilining ijtimoiy tarmoqlarning birida yozishicha, 2 fevral kuni muammo haqida xabar berilgandan keyin oradan 3 soat o‘tib, Yevropada kuzatilgan muammo Telegram tomonidan bartaraf etilgan.
