Toshkent avtobus bekatlarida axborot ekranlari paydo bo‘ldi
Toshkentning bir necha avtobus bekatlarida axborot ekranlari paydo bo‘ldi. Ularda nafaqat avtobuslar yetib kelish aniq vaqti, balkim ob havo va valyutalar narxi ham ko‘rsatilishi mumkin, deb xabar qilmoqda Sof.uz uz24.uz nashriga asoslangan holda.
Bunday ekranlar Taraqqiyot ko‘chasidagi 6 roddom oldidagi, Shaxrisabz ko‘chasidagi sobiq “Bolalar dunyosi” magazini oldidagi, Shota Rustaveli ko‘chasidagi Grand Mir Hotel mehmonxonasi oldidagi hamda Buyuk Ipak Yo‘li ko‘chasidagi “Chimyon” magazini oldidagi bekatlarda joylashgan, — deb xabar qilmoqda “Toshshaxartransxizmat” AJ.
Bekatlarda o‘rnatilgan monitorlarda soat 06:00 dan 23:00gacha avtobuslar harakatlanish jadvali, valyutalar kursi va poytaxtdagi ob-havo ma’lumoti ko‘rsatib turiladi.
“Toshshaxartransxizmat” AJ 2017 yilning oxiriga qadar ushbu kabi monitorlarni Toshkent shahrining barcha avtobus bekatlarida o‘rnatishni rejalashtirgan.
