Toshkentda Xalqaro investitsion forum boshlandi
Bugun Respublika poytaxtida boshlangan Xalqaro investitsion forumga dunyoning 250dan ortiq kompaniya va firmalaridan, xalqaro iqtisodiy va moliyaviy tuzilmalardan olimlar, ekspertlar, top-menejerlar tashrif buyuradi. Bu haqda uzreport.uz sayti xabar beradi.
Yig‘ilishda ularga respublikaning yoqilg‘i-energetika, mashinasozlik, iste’mol tovarlari ishlab chiqarish va boshqa sohalari bo‘yicha investitsion loyihalar haqida ma’lumot taqdim etiladi. Xalqaro ishbilarmon doiralar bilan hamkorlik natijasida respublikaga kelajakda investitsiya oqimining kuchayishi kutiladi.