O‘zbekiston 3 yilda 1,1 trln so‘mlik axborot kommunikatsiya loyihalarini amalga oshiradi

2016-2018 yillarda O‘zbekistonda iqtisodiyotning real sohasiga AKTni joriy qilish bo‘yicha 89ta loyiha amalga oshiriladi. Uning umumiy qiymati 1,1 trln so‘mni tashkil etishi haqida ma’lum qilindi Axborot texnologiyalari va kommunikatsiyalarni rivojlantirish vazirligida bo‘lib o‘tgan kollegiya majlisida.

Unda ta’kidlanishicha, Davlat rahbarining iqtisodiyotning real sektori, aksiyadorlik kompaniyalari, birlashmalar, yirik xo‘jalik korxonalariga axborot-kommunikatsiya texnologiyalarini joriy qilish to‘g‘risidagi qarorlariga muvofiq, axborot tizimlari va dasturiy mahsulotlarni amaliyotga kiritish bo‘yicha 335 mlrd so‘mlik loyiha amalga oshirilmoqda, deb Kun.uz yozmoqda.

Shundan 62,4 mlrd so‘mlik 81ta loyiha xususida vazirlik majlisida ma’lum qilindi.