Vazirlik bayram kunlari barqaror aloqani ta’minlash bo‘yicha ko‘rsatma berdi
O‘zbekiston Respublikasi Axborot texnologiyalari va kommunikatsiyalarini rivojlantirish vazirligi mamlakatdagi aloqa operatorlariga Yangi yil bayramida uzluksiz aloqani ta’minlash bo‘yicha yo‘l-yo‘riq berdi. Bu haqda vazirlik saytida keltirilgan.
Mutaxassislar bildirishiga ko‘ra, yangi yil kechasi mobil aloqa tarmoqlarida qo‘ng‘iroqlar va SMS-xabarlar soni keskin ortadi. Millionlab abonentlar yaqinlarini bayram bilan tabriklashadi. Aloqa operatorlariga bayramoldi kunlari va bayramda kunu tun navbatchilikni tashkil etish hamda zaruriy texnik chora-tadbirlarni ko‘rish topshirildi.