Xiaomi Mi 7 yangi suratlarda: 4 karrali optik zum va boshqa xususiyatlar
Mazkur kompaniyaning navbatdagi flagmani – Mi 7 modeli yakkakristalli Snapdragon 845 tizimi bilan jihozlangan ilk Xitoy smartfoni bo‘lishi kutilayotir. Insayderlar mazkur qurilmaning suratlari va u haqdagi navbatdagi ma’lumotlarni tarqatdilar, deb yozadi ixbt.com.
O‘QING: Xiaomi va Qualcomm eng zo‘r Android-smartfonni yaratishmoqchi
Aytish kerakki, e’lon qilingan suratlar Mi 7 haqidagi ma’lumotlar asosida kompyuterda tayyorlangan. Biroq ularga qarab, «xitoycha Apple»ning navbatdagi flagmani haqida yetarlicha tasavvur olish mumkin.
Xabarlarga ko‘ra, Xiaomi Mi 7 tezkor quvvatlash texnologiyasining ishlashini ta’minlash uchun shisha korpusga hamda metall shassiga ega.
O‘QING: Xiaomi fanatlari 5 yil kutgan xususiyat Mi 7’da joriy etiladi
Kompaniyaning bu gadjetiga an’anaviy – tomonlari o‘zaro 16:9 nisbatda bo‘lgan 5,15 dyuymlik emas, balki 18:9 nisbatdagi 5,8 dyuymlik ekran o‘rnatiladi. Unda Gorilla Glass 5 himoya shishasi bilan qoplangan AMOLED-displey qo‘llanishi kutilayotir.
Qurilmaning tezkor xotirasi 6 yoki 8 gigabayt, doimiy xotirasi esa 128 yoxud 256 gigabaytga teng bo‘lishi aytilgan. Smartfon 3950 mA/soat sig‘imli akkumulyator bilan ta’minlangan. U Xiaomi’ning o‘z dasturchilari mahsuloti bo‘lmish MIUI 9 boshqaruvi ostida ishlaydi.
Smartfonning asosiy kamerasi har biri 19 megapikselli bo‘lgan ikkita ob’yektivga ega. F/1,7 diafragmali bu modullar foydalanuvchi uchun to‘rt karrali optik zumni ta’minlab bera oladi. Mi 7’ning old kamerasi esa 16 megapikselli modulga ega.
O‘QING: Xiaomi Mi 7: taxminiy xususiyatlari, taqdimot vaqti va hatto narxi ham ma’lum!
Ushbu flagmanning ishlab chiqarilishi 2018 yil fevral oyining birinchi yarmidan boshlanishi kerak.
