YouTube veb-kamera orqali video yozish funksiyasini o‘chirib qo‘ymoqchi
Eng mashhur videoxosting vakillari Webcam Capture funksiyasini 2016 yil 16 yanvar kuni o‘chirish niyatini bildirdi.
Ma’lumki, Webcam Capture funksiyasi yordamida foydalanuvchilar videosini yozish, ammo uni internetga yuklamasdan oddiy videofayl sifatida foydalanish mumkin. Bu xizmat 2006 yildan beri mavjud, ammo ko‘p ommalashib ketmagan. Qolaversa, veb-kamera funksiyasi hozir eskirgan Flash texnologiyasi asosida ishlaydi. Videoblogerlar esa, bugunga kelib, sifatli va tiniq s’yomka qiluvchi kameralar ishlatishmoqda.
