Zominda monitor ishlab chiqarilmoqda
Artel savdo markasi Samsung brendi bilan birgalikda shaxsiy kompyuterlar uchun monitorlar ishlab chiqaruvchi korxonani ishga tushirdi. Yangi korxona Jizzax viloyatining Zomin tumanida sobiq mashina-traktor parki o‘rnida qad rostladi. Artel ma’lumotiga ko‘ra, qurilish ishlari shu yilning iyunida boshlanib, avgust oyi oxirida yakuniga yetdi.
Zavodda ikki smenada ish olib boriladi. U yiliga umumiy narxi 30 mlrd so‘m bo‘lgan 200 ming dona monitor ishlab chiqarish quvvatiga ega. Ishchilar soni 150 nafarni tashkil etadi.