2020 йилнинг энг бестселлер смартфонларидан бири мана шу ҳамёнбоп модел бўлади!
Galaxy A10 модели ўтган йили дунё бўйича энг кўп сотилган – бестселлер бўлган смартфонлар рейтингида барча Android-смартфонларни ортда қолдирган эди. Samsung компанияси энди унинг муносиб давомчиси – Galaxy A11 девайсини тайёрламоқда.
ЎҚИНГ: Иккита ҳамёнбоп Samsung хити тайёр: учталик камера, бақувват батарея, кучли процессор...
Galaxy A11 ҳам шунақа муваффақиятли сотилишини таъминловчи омиллар, яъни унинг хусусиятлари ҳақида янги маълумотлар интернетда тарқалмоқда. Уларга қараганда, бу смартфон диагоналига 6,4 дюймлик (бошқа версияга кўра – 6,2 дюймлик) LCD-дисплейга эга; яна унинг 8 мегапикселлик олд камераси учун экранда кемтик эмас, балки тирқиш очилган:
Гувоҳи бўлаётганингиздек, кутилаётган ҳамёнбоп смартфоннинг бош камераси учталик; унинг «аждод»и эса у якка сенсорли эди. Бу сенсорлар 13, 5 ва 2 мегапикселлик экани айтилмоқда; камера блоги ёнида фоточақноқ ҳам бор.
ЎҚИНГ: Samsung Galaxy A11 ҳақида янги хабар тарқалди
Корпуснинг орқа панелида яна дактилоскопик датчик ҳам пайдо бўлган; Galaxy A10 моделида у ҳам йўқ эди. Маълумотларга кўра, Galaxy A11 аккумулятори 4000 мА/соатлик, тезкор хотираси эса 3 гигабайтлик бўлади.
Бестселлер бўлиши прогноз қилинаётган бу смартфоннинг «электрон юраги» ҳақида ҳам икки хил тахмин билдирилмоқда: унда Snapdragon 625 чипсети ёки жанубий кореяликнинг ўз ишланмаси – Exynos 7 туркумидаги бирор процессор қўлланади.
Юқоридагиларни инобатга олганда, Galaxy A11 компаниянинг ўтган йилги моделидан ҳам оммабоп бўлишини тахмин қилиш қийин эмас. Энди бунга таъсир этувчи битта муҳим омил бор – бу смартфоннинг нархи ҳозирча номаълум.
ЎҚИНГ: Samsung ҳамёнбоп Galaxy M31’ни тақдим этди: қаранг-чи, «мегамонстр» дейишга арзирмикан?
