Dinamiksiz Bluetooth-karnay namoyish etildi
Indiegogo platformasida Cisor nomli dinamiksiz Bluetooth-karnayni ishlab chiqarish uchun mablag‘ yig‘ish jarayoni yakunlanmoqda, deb yozmoqda Gagadget nashri.
Bluetooth-karnayga hech qanday dinamik o‘rnatilmagan bo‘lib, u tovushni istalgan yuza orqali o‘tkazish xususiyatiga ega. Buning uchun gadjetga vibratsiya yaratish orqali istalgan predmetni tovush rezonatoriga aylantiradigan Damson’s Incisor Diffusion Technology yechimi qo‘llangan. Bluetooth-karnay o‘rnatiladigan ob’yektning hajmi qancha katta bo‘lsa, chiqadigan tovush balandligi ham shuncha kuchli bo‘ladi.
Bluetooth-karnayni maxsus mobil ilova yordamida ham boshqarish mumkin. Hozirda ushbu karnay uchun 49 dollar narx belgilangan. Cisor fevral oyida sotuvga chiqadi.
