Facebook мобил иловаси кўпчилик кутган режим билан янгиланяпти
Бир қатор ижтимоий тармоқ ва мессенжер иловаларига эгалик қилувчи Facebook компанияси аста-секинлик билан уларга тўқранг интерфейсни қўшиб келмоқда. Тунги режим аллақачон WhatsApp, Instagram, Facebook Messenger кабиларда мавжуд.
ЎҚИНГ: Zoom’нинг энди кераги йўқ: Facebook’нинг бепул Messenger Rooms сервисини қарши олинг! (+видео)
Facebook ижтимоий тармоғининг десктоп версиясида ҳам тўқранг режим жорий этилган, ниҳоят, ушбу опция унинг мобил иловасига ҳам қўшила бошлади. Тунги режим ҳозирча iOS тизими учун чиқарилган Facebook клиентига, шунда ҳам босқичма-босқич жорий этилмоқда.
Иловасига ушбу опция келган фойдаланувчилар эса унинг скриншотларини Twitter’да улашишга тушиб кетишган:
Facebook’нинг тўқранг режими барча айфонларга қачон жорий этилиши, шунингдек, ижтимоий тармоқнинг Android клиентига қачон чиқиши ҳозирча номаълум.
Дарвоқе, куни кеча эълон қилинган энг инновацион компаниялар рейтингида Facebook қайси ўринда туришини биласизми? Тағин у коронавирусдан фойда олаётган IT-компаниялар топ-ўнталигига ҳам кирган. Компания асосчиси Марк Цукерберг пандемия даврида ўз бойлигини 25.3 миллиард долларга ошириб олган. Лекин Telegram асосчиси Павел Дуров уни судга бермоқчи бўлиб юрибди.
ЎҚИНГ: Telegram’да сизга фойдали ўзгариш юз берди, лекин бунга Facebook’нинг нима дахли бор?
