Realme янги туркумдаги арзон смартфонлар тақдимотини бекор қилди
Яқиндагина биз Oppo корпорацияга қарашли Realme компанияси янги – Narzo туркумида смартфонлар тайёрлагани ҳақида ёзган эдик. Кейинроқ эса уларнинг номи ва тақдимот куни ҳам расман эълон қилинган.
ЎҚИНГ: Бир йилда 500 фоизга ўсган рекордчи бренд биринчи бўлиб 4G-смартфонлардан воз кечади!
Расмий эълонга кўра, Narzo 10 ҳамда Narzo 10A смартфонларининг тақдимоти 26 март куни Ҳиндистонда ўтказилиши керак эди. Аммо бугун – 26 март куни Realme бренди етакчиси Мадҳав Шет (Madhav Sheth) ушбу тадбирнинг кечиктирилганлигини эълон қилди.
With respect to the announcement made by our Honourable Prime Minister yesterday, we have decided to suspend all upcoming launches including #realmeNarzo series.
— Madhav @home (@MadhavSheth1) March 25, 2020
Time for us to focus on our family & ourselves. Stay at home, stay safe & cooperate with local authorities. pic.twitter.com/4FmdanvgHL
Гап шундаки, коронавирус пандемияси туфайли «Филлар ўлкаси»да кеча – 24 мартдан карантин эълон қилинган. Шу боисдан Realme раҳбарияти яқин орадаги барча тадбирларни, шу жумладан Narzo смартфонлари тақдимотини ҳам кейинроққа қолдиришга қарор қилган. Энди уларнинг қачон намойиш этилиши ҳам номаълум.
Миш-мишларга кўра, Narzo 10 модели Poco X2 (ёки Pocophone X2) девайсига рақобатчи бўлади. Умуман олганда, Realme компанияси Narzo сериясидаги смартфонлари ёрдамида Xiaomi корпорациясининг Redmi ҳамда Poco (POCOPHONE) каби арзончи брендларига қарши рақобатни кучайтиришни кўзлаган. Ушбу кутилаётган қурилмалар учун 200 доллар атрофидаги нарх белгиланиши айтилмоқда.
ЎҚИНГ: 180 долларга «бели бақувват», 48 МП камерали «тўрткўз» смартфон чиқди!