Samsung учта моделдаги флагманлари эгаларини хафа қиладиган бўлди
Жанубий кореялик техногигант бир нечта русумлардаги смартфонларини One UI 2.1 график қобиғигача янгилаяпти. Бироқ аввалги йилларда чиққан флагманлари ушбу апдейтдан бенасиб қолар экан.
ЎҚИНГ: Samsung тўрт хил Galaxy A смартфонига Android 10 базасидаги One UI 2.0 тарқатяпти
Samsung Community расмий форуми модераторига кўра, корпорация ўзининг 2018 йилда тақдим этилган флагманлари учун график қобиқни янгилашни режалаштирмаган. Булар – Galaxy S9, Galaxy S9+ ҳамда Galaxy Note 9 моделларидир.
Одатда, расмий намойишидан икки йил ўтгач, Samsung ўз смартфонларига йирик прошивкаларни тарқатишни тўхтатади. Улардаги янгиланишларда фақат хавфсизлик патчлари тарқатилади ва аниқланган майда нуқсонлар тузатилади.
Дарвоқе, аввалроқ турли смартфонсозларнинг ўз маҳсулотларини қанчалик узоқ муддатга техник қўллаб-қувватлаб бориши ҳақида маълумот берганмиз.
ЎҚИНГ: Яширин камерали биринчи Samsung смартфонини илк бор ёқиқ ҳолида «жонли» кўрамиз!
