2022 йилнинг топ беш бепул, шутер ўйинлари!
Аввалари шутер ўйинларни контроллерларсиз ёки клавиатура ва сичқончаларсиз тасаввур қилиб бўлмас эди. Бироқ, бугунги кунда смартфонлар билан барчаси ўзгарган ёхуд улар янги ўйин консолларига айланган десак ҳам муболоға бўлмайди. Энди сиз шутер ўйинларни смартфонда сенсорли бошқарувлар билан ўйнашингиз ва контроллерни унутиб юборишинигиз мумкин. Қуйида ана шундай шутер ўйинларнинг топ бешталиги билан танишамиз. Энг қизиғи буларнинг ҳаммаси бепул!
PUBG Mobile
Шубҳасиз, мобил қурилмалар учун "қироллик жангги" жанридаги энг яхши шутер. PUBG: Mobile компютер учун PUBG: BATTLEGROUNDS ўйинининг кичик экранларга мослаштирилган версияси бўлиб, у бошқа шундай ўйинларга қараганда оддийлиги билан ажралиб туради.
Call of Duty: Mobile
"Шутер ўйин" деганда ҳаёлга биринчи бўлиб Call of Duty ўйинлари келади, чунки у компютер учун шу жанрдаги энг зўр ва машҳур ўйин ҳисобланади. Ва энди у мобил қурилмалар учун ҳам мавжуд! Activision'нинг Call of Duty: Mobile ўйини "қироллик жангги"дан ташқари яна турли хил ўйин режимларини таклиф қила олади. Унда ҳам PUBG: Mobile каби сенсорли бошқарувлар мавжуд, лекин бу ўйинда сиз бутунлай бошқа ўйин тажрибасини ҳис қиласиз.
Apex Legends
Мобил қурилмалар учун яқиндагина чиқарилган бўлса ҳам, Electronic Arts'нинг Apex Legends: Mobile ўйини қисқа муддатда катта муваффақиятга эришди ва жуда тез оммалашди. Албатта, бу ўйинда ҳам "қироллик жангги" режими мавжуд ва албатта у юқоридаги икки ўйин каби сенсорли бошқарувларни таклиф қилади, бироқ ундаги хариталар, қаҳрамонлар ва қуроллар билан сиз ўзингизни бутунлай бошқа оламга тушиб қолгандек ҳис қиласиз.
Special Forces Group 2
CS:GO ёки Counter Strike мухлислари учун махсус – SFG 2 ўйини сиз компютерда севиб ўйнаган CS ўйинларини смартфонингизда ҳам ҳис қилиш имконини беради. Гарчи ўйин расман Valve томонидан ишлаб чиқарилмаган бўлса ҳам, ундаги хариталар, қаҳрамонлар ва қуроллар худди CS ўйинларидаги каби яратилган. Энг муҳими сиз бу ўйинни дўстларингиз билан ҳам ўйнашингиз мумкин.
Hitman Sniper: The Shadows
Агар сиз ҳақиқий ўйинчиларга қарши курашишдан чарчаган бўлсангиз ёхуд снайпер қуролида ўйнашни ёқтирсангиз, унда бу ўйин айнан сиз учун. Hitman Sniper: The Shadows юқоридаги ўйинлардан мутлақо фарқ қилади. У Hitman Sniper ўйинининг анча яхши графикали ва бепул варианти бўлиб, унда сиз махсус агент сифатида "берилган топшириқлар"ни бажаришингиз керак бўлади.
ЎҚИНГ: Samsung'нинг мустаҳкам ҳимояли смартфон ва планшетлари эволюсияси билан танишамиз!
