«Бу сенга Тошкент эмас»: Рекордни расман қайд этмоқчи бўлган Tesla Model S пойга трассасида ишдан чиқди!
Яқиндагина Илон Маск ўзининг Twitter-блогида Tesla электрокарининг яна бир ютуғи ҳақида хабар берди. Унга кўра, Model S электромобили пойга трассасида янги рекорд ўрнатган.
ЎҚИНГ: Tesla Model S пойга трассасида жаҳон рекордини янгилади! (+видео)
Мазкур пойга натижалари расмий бўлмагани боис, компания ушбу рекордни расман қайд этишга қарор қилди. Бироқ бу гал машҳур пойга трассасида ҳаракатланаётиб, унинг нимасидир ишдан чиқди ва у тўхтаб қолди. Натижада трассадан уни эвакуатор ёрдамида олиб чиқиб кетишга тўғри келди.
Tesla вакиллари Model S моделининг кейинги синовларини вақтинча тўхтатиб туришларини ҳамда унинг хусусиятларини яхшилашда давом этишларини айтишди.
Эслатиб ўтамиз, аввалроқ Ўзбекистон президентининг куёви Тошкент кўчаларида автомашинани тезликни ошириб ҳайдагани ва бунинг учун ўз ихтиёри билан жарима тўлагани анча шов-шувларга сабаб бўлганди. Ушбу қоидабузарлик айнан Tesla автоуловида содир этилган бўлиб, унинг айни шу – Model S электромобили бўлиши эҳтимоли юқори.
