Galaxy S10 5G суперфлагмани кутилганидан анча эрта сотувга чиқяпти – нарх ва жиҳатлари билан танишинг!
Жанубий кореялик техногигант Galaxy S10 туркумидаги смартфонларини тақдим этгач, тез орада савдога ҳам чиқарган. Фақат уларнинг энг илғори – бешинчи авлод уяли алоқа тармоғини қўллаб-қувватлайдиган моделини ёзда савдога чиқаришни кўзлаган.
ЎҚИНГ: Galaxy S10 5G ўз кучини кўрсатди: атиги 30 сонияда 10 ГБ контент!
Лекин Samsung мазкур флагманини кутилганидан эрта, аниқроғи – 5 апрелдан сотувга қўяди. Korea Herald нашрининг ёзишича, Galaxy S10 5G модели дастлаб ўз юртида, тахминан 1330 долларлик нархда бозорга чиқади.
Кейинроқ, апрел ойининг ўзидаёқ бу суперфлагман АҚШ бозорига отланади. Дастлаб уни фақатгина Verizon алоқа оператори харидорлари сотиб олишлари мумкин бўлади. Айтиш керакки, мазкур компания 11 апрелдан бешинчи авлод уяли алоқа тармоғини ишга туширмоқда. Эҳтимол, янги флагман ҳам АҚШда айни шу санада сотувга чиқарилар.
Айтиб ўтиш керакки, Galaxy S10 5G суперфлагмани 20 февралда тақдим этилган стандарт Galaxy S10, унинг «кичкина» – S10 E ва «катта» – S10+ моделларидан фарқ қилади. Бу фарқлар нафақат унинг 5G тармоғида ишлашига, балки бошқа жиҳатлари ва ҳатто дизайнига ҳам тегишли.
ЎҚИНГ: Galaxy S10+ тезкорроқми ёки iPhone XS Max? «Жонли» тестда таққослаб кўрамиз!
Galaxy S10 5G – ушбу компаниянинг 6,7 дюймлик Infinity-O дисплейли илк моделидир. У ҳам энг илғор Android-процессор – Snapdragon 855 билан қуролланган, унда бешинчи авлод уяли алоқа тармоғи учун X50 модеми ҳам бор. Қурилманинг тезкор хотираси 8 ГБ, доимий хотираси эса 256 ГБ ҳажмга эга. Унинг аккумулятори ҳам бақувват – 4500 мА/соатлик бўлиб, 25 ваттлик қувват билан ультратезкор зарядлана олади.
Булардан ташқари, «оддий» флагманлардан фарқли тарзда, Samsung’нинг 5G-смартфони тўрт модулли бош камера билан жиҳозланган. Асосий сенсор 12 мегапикселлик бўлиб, кенг бурчакли объектив (f/1,5-f/1,9) ҳамда Dual Pixel автофокусига эга. Иккинчиси – 12 МПлик, телеобъективли (f/2,4) бўлса, учинчи – 16 мегапикселлик оптик датчик кенг бурчакли объективга ва 123 даражали кўриш бурчагига (f/2,2) эга. Шунингдек, бош камера жамланмасига қўшимча – Time-of-Flight (ToF) датчик ҳам киради, у 3D-фотосуратлар олишга ёрдам беради, шунингдек, Video Live Focus ҳамда Quick Measure функцияларини қўллаган ҳолда тўлдирилган борлиқда ишлай олади. Galaxy S10 5G олд камераси эса қўшалоқ бўлиб, 10 ва 8 мегапикселлик сенсорлардан иборат.
Мазкур суперфлагманнинг бизга етиб келишига ҳали анча бор, бироқ ҳозирча бизда 5G тармоғининг ўзи йўқ! Компаниянинг жаҳон бозорига чиқарилган аксарият смартфонларини, жумладан, Galaxy S10 ҳамда Galaxy S10+ флагманларини эса аллақачон Terashop.uz интернет-дўконимиздан онлайн усулда сотиб олиш мумкин.
