Google'нинг қоронғу режими янада қоронғилашмоқда
Шу кунгача Google'нинг қора режими учун тўқ кулранг рангги амал қилаётган эди. Энди эса Google ўз қидирув платформаси учун бутунлай қора, #000000 кодли рангни тест қилаётгани айрим фойдаланувчилар томонидан пайқаб қолинган.
Қоп-қора рангли мавзу ҳозирча фақат компютер учун веб-браузерларда пайдо бўлган, смартфон ва бошқа қурилмалар учун бунинг амал қилиши ҳозирча номаълум.
Кўпчилик фойдаланувчилар қоронғи режимда тўқ кулрангни афзал кўришади, чунки қоп-қора рангда бирданига оқ саҳифага ўтиш кўзга зарар бўлиши мумкин. Агар Google тўлиқ қора рангдан фойдаланишга қарор қилса, компания эски тўқ кулранг рангни фойдаланувчи танлайдиган вариант сифатида сақлаб қолиши керак.