iPhone 7 учун чип ишлаб чиқарадиган ягона завод зилзиладан зиён кўрди
Apple компанияси томонидан iPhone 7 смартфонлари учун А10 чипларини етказиб берувчи сифатида танланган Тайваннинг TSMC компанияси кучли зилзиладан жиддий зиён кўргани маълум бўлди. 9to5Mac нашрининг хабар қилишича, кўрилган зарарнинг аниқ миқдори ҳозирча маълум эмас.
6 февраль куни эрта тонгда Тайванда 6,4 баллик кучли зилзила содир бўлган эди. Табиий офат натижасида чип ишлаб чиқарувчи Taiwan Semiconductor Manufacturing Company (TSMC) жиддий зарар кўрди.
Кўрилган зарарлар тўғрисида компания орадан олти кун ўтгандан кейингина ҳисобот эълон қилди. Компания хабарига кўра, ишлаб чиқарилган тайёр маҳсулотларга ҳам зарар етган. Кўрилган зиён миқдори эса аввал ҳисоблангандан кўра ортиқроқ. Шу муносабат билан жорий чоракда кремний пластиналари ишлаб чиқариш ҳажми камаядиган бўлди. Бироқ чиплар ишлаб чиқарувчиси даромадлари тўғрисидаги башоратларни қисқартирмади.
Шу билан бирга, TSMC иккита корхонадаги ускуналар иши тўлиқ ҳажмда тикланганини маълум қилди.
Тайванда рўй берган зилзиладан кўплаб вендорлар (маҳсулот ишлаб чиқариб, етказиб берувчи компания) зарар кўрди. Табиий офатнинг тайёр маҳсулотлар ва буюртмалар миқдорига зарари оқибатларини камайтириш мақсадида улар орол жанубидан шимолга ташилмоқда.
2016 йилнинг 13 февраль куни эса TSMC iPhone 7 учун А10 чипларини ишлаб чиқарувчи ва етказиб берувчиси сифатидан танлангани маълум бўлган эди.
