Oppo олд камерадан воз кечиб, орқа панелида сенсор экранли смартфон яратади
Бутунжаҳон интеллектуал мулк ташкилоти (World Intellectual Property Organization, WIPO) хитойлик смартфонсоз Oppo’га тегишли патент ҳужжатларини эълон қилди. Унда мутлақо янгича дизайнли телефон тасвирланган.
ЎҚИНГ: Яқиндагина бетакрор смартфон тақдим этган смартфонсоз навбатдаги флагманини эълон қилди
Ушбу смартфоннинг «яғрини»да – корпус орқа панелининг юқори қисмида яна битта сенсор экран мавжуд. Тўғри тўртбурчак шаклидаги ушбу ихчам дисплей турли маълумотларни акс эттириб туради; шунингдек, автопортрет суратга олишда объективга тушган тасвирни кўрсатиб туради.
Мазкур ечим корпуснинг олд юзасига ўрнатиладиган селфи-камерадан воз кечиш имконини беради. Бу эса, ўз навбатида, мутлақо ромсиз ва «кемтик»сиз дисплей қўллашга замин яратади.
ЎҚИНГ: Oppo бир йўла учта буклама смартфонга патент олди
Эълон қилинган патент ҳужжатларида орқа камерани жойлаштиришнинг бир нечта вариантлари кўрсатилган. Бу якка объективли камера ҳам, модуллари алоҳида жойлашган қўшалоқ камера ҳам бўлиши мумкин.
Oppo келажакда шундай дизайндаги смартфонни бозорга тақдим этиши мумкин, аммо компания ҳозирча бундай режаси борлигини айтмаган.
