Расман! Huawei бирданига учта янги смартфонини намойиш қилди
Huawei компанияси ҳозиргина бир қанча янги смартфонларини тақдим қилди. Булар, Nova 5, Nova 5 Pro ва Nova 5i моделларидир. Смартфонлар бир-биридан асосий хусусиятларга кўра фарқ қилади, шу билан биргаликда кўриниш жиҳатидан жуда ўхшаш.
Nova 5 Pro ва Nova 5 аслида фақат платформаси билангина фарқланади: биринчиси Kirin 980, иккинчисига эса 7 нанометрлик яп-янги Kirin 810 процессори ўрнатилган. Ушбу яккакристалли тизим 2,27 ГГц частотали иккита Cortex-A76 ҳамда 1,8 ГГц частотали олтита Cortex-A55 ядерларидан, NPU блоги, GPU Mali-G52 видеотезлаштиргичидан ташкил топган.
Смартфонларга қайтадиган бўлсак, уларнинг экрани жуда ўхшаш – иккала қурилмага ҳам Full HD+ аниқлигидаги, диагонали 6,4 дюмли, экран ости сканерли дисплей ўрнатилган. Аккумулятор ҳажми ҳам бир хил – 3500 мА/соатлик. Қолаверса, смартфонлар ярим соат ичида батареяни 85 фоизга тўлдириш имконини берувчи 40 ваттлик тезкор зарядлашни қўллаб қувватлайди.
Қурилмаларнинг камера блогида ҳам фарқ мавжуд эмас. Селфи-камера 32 Мплик битта, асосий камера эса 48, 16, 2 ва 2 Мплик тўртта датчикдан ташкил топган.
Оператив ва доимий хотира кичик моделда 8 ва 128 Гбни, катта моделда эса 8 ва 128/256 ГБни ташкил қилади. Нархга масаласига келадиган бўлсак, Nova 5 учун 405 доллар, Nova 5 Pro учун эса 435 доллар сўралмоқда. Умуман олганда, нарх борасида эътироз бўлиши мумкин эмас.
Ҳамёнбоп Nova 5i модели ҳақида гапирадиган бўлсак, ушбу модел 290 ёки 320 доллардан нархланади. Ушбу қурилмага ҳудди катта моделдаги смартфонлар каби, ягона фарқи фақат IPS бўлган экран, Kirin 710 процессори, 24 мегапикселлик олд камера, 48, 16, 2 ва 2 Мплик тўртта датчикдан ташкил топган асосий камера ўрнатилган. Аккумулятор ҳажми эса мошқа моделларникидан катароқ – 4000 мА/соатлик, аммо фақатгина 10 ваттгача қувватда зарядлана олади.
Nova 5 Pro ва Nova 5i смартфонлари 28 июндан, Nova 5 эса 20 июлдан бошлаб сотила бошлайди.
ЎҚИНГ: Санкцияларга қарамай, Huawei нақ 17 хил смартфонини Android Q’гача янгилайди!
