Samsung компанияси энди “Apple” билан ҳамкорлик қилмайди
Маълумотларга кўра, Samsung компанияси Apple`нинг келгусидаги флагменлари учун чиплар ишлаб чиқармаслигини маълум қилди. The Electronic Times нашрининг хабар беришича, iPhone 7 смартфонлари учун ягона чип етказиб берувчи Тайваннинг TSMS компанияси бўлиши кутилаяпти.
Apple смартфонлари А10 6 ядролик чип билан таъминланади. Тайваннинг TSMS компанияси чипларни 10-нанометрлик техножараён асосида ишлаб чиқаради.
TSMC компанияси чип ишлаб чиқариш соҳасида етакчилардан бири саналади. Шуни алоҳида таъкидлаш керакки, мазкур компания илк бор 10-нанометрлик техножараён асосида чип ишлаб чиқаришни йўлга қўйган компания саналади.
Мазкур А10 чиплари нафақат iPhone 7, балки янада йирикроқ бўлган iPhone 7 Plus смартфонларига ҳам ўрнатилади.
TSMC вакилининг қайд этишича, “олма” компанияси билан ҳамкорлик аввалдан мавжуд. iPhone 6 ва iPhone 6 Plus смартфонлари учун А8 чипларини айнан мазкур компания ишлаб чиқарган.
Бундан ташқари айнан шу процессорлар Apple TV`нинг сўнгги приставкаларига ҳам ўрнатилмоқда.
А10 янги чипларининг ишлаб чиқарилиши 2016 йилнинг июнь ойида бошланади.
