Samsung’нинг буклама смартфони яна бир янгича технологияга эга бўляпти!
Қайишқоқ экранга эга буклама смартфон яратиш бўйича бир қатор компаниялар пойга олиб боришмоқда. Жумладан, жанубий кореялик гигант аллақачон бу борада жарангдор баёнот билан ҳам чиққан.
ЎҚИНГ: Samsung директори сўз берди: буклама смартфон шу йилиёқ чиқади!
Хитойлик етказиб берувчилардан бирининг хабар қилишича, Samsung’нинг букланувчи Galaxy F (ёки Galaxy X) смартфонида бармоқ изи сканери бевосита дисплейнинг ўзига интеграция қилинади. Ундаги ультратовушли дактилоскопик датчик Vivo ва Huawei ечимларидан анча илгарилаб кетиши айтилмоқда.
Буклама смартфоннинг яхлит OLED-экрани диагоналига 7,3 дюймлик ўлчамга эга бўлиши кутилмоқда. Ундаги ультратовушли модул янада қалин дисплей шишаси орқали ҳам ишлай олади ва ҳатто нам бармоқнинг изини ҳам яхши ажрата билади.
Хабарларга кўра, Samsung бу моделдан атиги 120 000 донагина чиқаришни режалаштирган. Шунингдек, инсайдерлар унинг нархи 10 000 юань, яъни 1 457 АҚШ доллари бўлишини ҳам айтишган.
Айтиш керакки, Samsung шу кунгача бозорга чиқарган аксарият русумлардаги смартфонлар Terashop.uz интернет-дўконимизда сотилмоқда. Улар билан танишиш, ўзингизга маъқул моделнинг хусусиятларини кўриш ва онлайн харид қилиш учун мана бу ҳавола орқали ўтишингиз мумкин.
Дарвоқе, жанубий кореяликлар шошилмаса бўлмайди, чунки рақобатчилари шунга ўхшаш смартфонни аллақачон кўрсатиб ҳам улгуришган.
ЎҚИНГ: ЭКСКЛЮЗИВ: Ишлаётган ҳолдаги ҳақиқий буклама смартфон илк «жонли» видеода!
