Сунъий онг: Microsoft’нинг уйқусини қочирган чиплар

Технология гигантлари эътиборни борган сари кўпроқ ўз маҳсулотларини тўлиқ назорат қилишга қаратмоқда. Шулар қаторида Microsoft ҳам сунъий онг бўйича татқиқотларини жадаллаштириш учун янги чип яратиш устуда иш бошлади.

Microsoft ўзининг асосий маҳсулоти бўлмиш, Windows тўғрисида ўйлашни тўхтатиб, урғуни булутли ҳисоблаш ва сунъий онг устида изланиш олиб бориш масаласига қаратмоқда. Ушбу йўналишда  у кастомли SoC ғоясини биринчи бўлиб илгари сурган ва TPU (Tensor Processing Unit) процессорининг учунчи авлодини аллақачон татбиқ қилган  Google компанияси билан рақобатга киришади.  Microsoft булутли хизматларда  Intel’нинг Azure чипларидан ва NVIDIA’дан фойдаланади, аммо бу билан тўхтаб қолиш нияти йўқ.

ЎҚИНГ: iPad ва Microsoft Surface’га қарши Samsung сирли планшет тайёрламоқда

Март ойидан бошлаб Azure жамоаси машинали таълим ва сунъий интеллект учун дастурлар ва аппарат жиҳозлари соҳасида ишлайдиган мутахассисларни тўплашни бошлаганди.

Умуман олганда, бу Microsoft учун янги соҳа эмас. Мазкур корпорация аввал Project Brainwave ташаббуси доирасида дастурланаётган  FPGA-схем Intel  базасида сунъий онг платформасини ишлаб чиққан эди. Навбатдаги версияда аралашган реаллик кўзойнаги бўлмиш,  HoloLens сунъий интеллект -модули ишлатилади.

Компания вакилининг айтишича, охирги вакансия  Project Olympus булутли сервер учун ускуналар ишлаб чиқиш бўйича лойиҳага тегишлидир.  

Сунъий онг деганлари миш-мишларга қараганда,  юқори технологиялар соҳасида фаолият олиб бораётган бошқа гигантларга ҳам уйқу бермаётган эмиш. Масалан, Facebook ҳам ўз процесссорини яратишга киришган,  Apple эса бир неча йилдан кейин  ўз ишланмаси бўладиган чипли  MacBook’ни ишлаб чиқармоқчи. Мобиль  йўналишида эса бу оддий воқеликка айланган.

ЎҚИНГ: Microsoft’нинг «ақлли» таржимони энди интернетсиз ҳам ишлайди