11 йил мобайнида чиққан барча Google смартфонларини битта видеода таққослаймиз!

Android операцион тизимли биринчи смартфон кенг жамоатчиликка 2008 йили кўрсатилган эди. HTC Dream русумли бу қурилмани яратишда ишлаб чиқарувчига айнан Google маслаҳатгўйлик қилган.

ЎҚИНГ: Андроид ҳақида сиз билмаган фактлар

Google мобил операцион тизимини илк бор қўллаган ушбу қурилма Android 1.0 талқинида ишлаган бўлса, кейинроқ чиққан HTC Magic моделига Android 1.5 Cupcake талқини ўрнатилган эди.

Motorola Droid эса нафақат тўлақонли моддий клавиатурага ва ўз даври учун улкан ўлчамга, балки Android 2.0 Eclair операцион тизимига ҳам эга бўлган. 2010 йилга келиб афсонавий Google Nexus туркумига старт берилган, унинг илк вакили HTC Nexus One эди. Кейинроқ бўлса HTC Dezire Z ҳамда Samsung Nexus S бу сафга қўшилди.

Ва ниҳоят, Google ўзининг Pixel брендли смартфонларини чиқара бошлади; уларнинг сўнггилари – Google Pixel 4 ва Pixel 4 XL моделлари шу йилнинг октябрида тақдим этилди, аммо бир неча марта ҳафсалани пир қилди.

ЎҚИНГ: Тезлик завқи: Pixel 4 XL тезроқми ёки iPhone 11 Pro Max'ми? (+видео)

Хулласи калом, мобил қурилмалар оламида операцион тизимдан бошланган Google фаолияти ўз кучи билан смартфон чиқаришгача етиб борди. Ўтган ўн бир йил мобайнида унинг смартфонларидаги ўзгаришларни Mrwhosetheboss никли YouTube-блогер «жонли» тарзда кўрсатиб берди. Унинг махсус видеолавҳасида Google’нинг «қўли теккан» барча мобил телефонлар ўзаро таққосланган:

Mrwhosetheboss умумий ҳисобда йигирматача смартфонни ишлатиб кўрсатган. Йиллар давомида қурилмаларнинг ташқи кўриниши ҳам, операцион тизимнинг дизайни ҳам қанчалик тараққий этганини солиштириб кўриш завқидан баҳра олинг!

ЎҚИНГ: Афсонавий беш смартфон