23 июлдаги тақдимоти билан Huawei яна битта «инқилоб» қилмоқчи!
Хитойлик техногигант смартфонлар бозорида «инқилобий» ва «чўчитувчи» ишланмалари билан кейинги ярим йиллик муддат ичида ўзини кўрсатиб улгурди. Дастлаб GPU Turbo технологияси, кейин Honor 10 смартфони – шулар шарофати билан ҳам Huawei маҳсулотлари савдоси яхши кетмоқда.
ЎҚИНГ: Huawei 2018 йилнинг ярмигача 100 миллионта смартфон сотди
Дунёнинг учинчи рақамли смартфонсози келаётган душанба – 23 июлдаёқ яна битта инқилобий маҳсулотининг тақдимотини ўтказмоқчи. Huawei бу ҳақда Honor брендининг Weibo ижтимоий тармоғидаги расмий аккаунти орқали маълум қилди.
Навбатдаги «инқилоб» ҳақида умуман ҳеч нарса маълум эмас, фақат унинг «сунъий онг» билан боғлиқ эканлиги айтилган. Huawei кеча – 20 июль куни эълон қилган рекламада инсониятнинг Ой юзасига илк бор қўнишига ишора қилинган. Таъкидлаш керакки, 1969 йилнинг айнан шу санасида «Аполлон-11» космик кемасининг махсус модули илк бор Ер йўлдошининг сатҳига туширилган.
Huawei рекламасидаги Ой тасвирига «1 second faster than Humans» («Одамзоддан 1 сонияга тезкорроқ») шиори туширилган. Афтидан, бу ерда Huawei’нинг янги смартфонларидаги «сунъий идрок» тизимининг имкониятлари ҳақида гап кетяпти.
Айтиб ўтиш ўринлики, хитойлик техногигант ўзининг сунъий идрок» тизимига эга Kirin 970 имкониятларини одамзод мияси билан тенглаша олишини таъкидлаб келади.
