«Al-Xorazmiy izdoshlari» tanlovida qatnashib, mukofotlarga ega bo‘ling!
Muhammad al-Xorazmiy nomidagi Toshkent axborot texnologiyalari universiteti «Al-Xorazmiy izdoshlari» konkursiga taklif etmoqda. Bu to‘g‘rida TATU matbuot xizmati uning rasmiy saytida e’lon bergan.
O‘QING: TATUda kosmik tadqiqotlar va texnologiyalar sohasida magistrlar tayyorlanadi
10-11-sinflarning iqtidorli o‘quvchilari o‘rtasida matematika, fizika, informatika va axborot texnologiyalari fanlaridan «Al-Xorazmiy izdoshlari» integratsiyalashgan ko‘rik-tanloviga start berildi, deyiladi xabarda.
Mazkur tanlovda qatnashish istagida bo‘lgan yoshlar 2019 yilning 1 aprelidan 10 apreliga qadar mana bu manzil orqali ro‘yxatdan o‘tishlari lozim.
Ma’lumot o‘rnida aytish joizki, integratsiyalashgan ko‘rik-tanlov g‘oliblariga pul mukofotlari ajratilgan. 1-o‘rin – eng kam oylik ish haqining 100 barobari miqdorida, 2-o‘rin – eng kam oylik ish haqining 75 barobari miqdorida, 3-o‘rin – eng kam oylik ish haqining 60 barobari miqdorida mukofotlarga ega bo‘ladilar.
O‘QING: Google stajirovkasida qatnashib, 3000 dollar stipendiya oling!
