Apple буклама iPhone учун янгича – қайишқоқ аккумулятор тайёрлади!

Шу пайтгача бир нечта смартфонсозлар қайишқоқ экранли букламафон тақдим этишган ва концепт тарзида тайёрлашган. Етакчилардан саналмиш Apple ҳам «раскладушка» iPhone чиқармоқчи, аммо Samsung’дан чўчиётгани айтилган.

ЎҚИНГ: Машҳур наркобароннинг акаси энг арзон букламафон тақдим этди ва Apple’ни яксон қилишга сўз берди!

Купертинолик корпорациянинг янги патенти қайишқоқ аккумулятор тавсифини баён этган. Янги турдаги батарея iPhone корпусини қалинлаштирмасдан, унинг автономлигини ошириш имконини беради. Apple ишлаб чиққан бу аккумулятор қайишқоқ элементларга эга бўлиб, цилиндр шаклида ўралиши мумкин.

Патентда қайишқоқ батареяли мобил қурилма тузилиши баён қилинган. Алоҳида бўлимда эса янгича аккумуляторнинг буклама дисплейга интеграцияланиши ҳам айтиб ўтилган.

Афсуски, Apple ўзининг букилувчи мобил девайсини қачон тақдим этиши ҳақида бирорта ҳам маълумот йўқ.

ЎҚИНГ: Ҳам айфон, ҳам айпад бўла олувчи iPhone X Fold буклама смартфони суратларда!