Galaxy Note 10 икки версияда чиқяпти – биттаси ихчамроқ ва арзонроқ!

Яқинда Galaxy S10 туркумидаги флагман смартфонларини тақдим этган Samsung Electronics энди ўрта нархли ва ҳамёнбоп туркумлардаги смартфонларини бирин-кетин намойиш қилиб келаётир. Шу билан бирга, компания Galaxy Note 10 фаблетини ҳам тайёрламоқда.

ЎҚИНГ: Samsung Galaxy Note 10 ҳақида илк маълумотлар эълон қилинди

The Bell нашрининг Samsung смартфонлари учун қисмларни етказиб берувчи ҳамкорлари орасидаги ўз манбасига таяниб хабар беришича, Galaxy Note 10 планшетофони икки хил версияда чиқади. Биттаси стандарт флагман бўлса, иккинчиси нисбатан ихчам модел бўлади. Табиийки, унинг аппарат қисми ҳам нисбатан содда, нархи ҳам арзонроқ бўлади, аммо жамланмадаги стилусдан маҳрум этилмайди.

Galaxy Note 10’нинг ихчам версияси Европа бозорига мўлжалланган бўлиб, фақат шу қитъа мамлакатларига расман етказиб берилади.

ЎҚИНГ: Galaxy Note 10 – Samsung’нинг энг катта смартфони!

Яна кейинги пайтларда тарқалган хабарларга қараганда, Galaxy Note 10 моделида умуман бирорта ҳам моддий тугмача бўлмас, аммо тегишли портларга эга бўлар эмиш.

Мазкур планшетофон тўрт модулли асосий камерага эга бўлиб, унинг оптик сенсорлари нисбатан катталаштирилган. Лекин янада қизиғи – унинг ситилусида ҳам камера бўлади!

ЎҚИНГ: Galaxy Note 10 олд камераси... S Pen стилусига кўчирилади!