Gameloft юбилейи шарафига нақ 30 та Android-ўйинни бепул беряпти!
Коронавирус пандемияси туфайли карантинда кишилар зерикиб қолмасликлари ва кўчага заруратсиз чиқмасликларига ўйин студиялари ҳам ҳисса қўшиб келишяпти. Жумладан, Android-смартфонларга иккита саргузашт ўйинни вақтинча бепул тарқатишяпти.
ЎҚИНГ: Жаҳон соғлиқни сақлаш ташкилоти: «Коронавирусдан сақланиш учун кибер-ўйинлар ўйнанг!»
Узоқ вақт мобил ўйинлар бозорида етакчилик қилган Gameloft компанияси ҳам ушбу анъанага қўшилди. Студия ўзининг 20 йиллик юбилейи шарафига янги бепул тўпламини Google Play’га чиқарди. Унда Android-қурилмаларга мўлжалланган нақ ўттизта классик ўйин жамланган!
Ушбу янги тўплам Gameloft Classics: 20 Years деб номланган бўлиб, бешта жанр ва тоифага мансуб ўйинларни ўз ичига олган. Уларнинг аксариятида дастурчилар D-pad виртуал интерфейсини қўшишган ва сенсор дисплейлардан бошқариш осон бўлиши учун қўшимча тугмачалар билан тўлдиришган.
Gameloft Classics: 20 Years тўпламини юклаб олиш учун мана бу ҳавола орқали ўтишингиз мумкин.