Google Maps жамоат транспортининг кечикиётганидан огоҳ этади

Google Maps жамоаси картографика хизматининг янги имкониятлари ҳақида гапириб берди. Унга биноан, жамоат транспортида керакли жойга белгиланган муддатда етиб бора оласиз.

Огоҳлантирилган,  демак қуролланган

Google Maps иловасида Commute варақаси пайдо бўлди. Унда оддий йўналишда йўлдаги вазият ва тиқилинч бўлишидан қатъий назар йўлга кетадиган вақт ҳақидаги башорат акс эттирилган. Бу ҳақда фойдаланувчи уйидан ёки иш жойидан чиқмай туриб билиши мумкин ва заруратга қараб режасига ўзгартишлар кирита олади. Автоҳалокат бўладиган бўлса ёки ҳаракат тўхтатилгани ҳақида башоратлар тизими муқобил йўналишларни айтиб беради. Android-қурилмалар жамоат транспортининг кузда тутилмаган ушланиб қолишлари ҳақида билдиришнома билан таъминланган.  iPhone'ларда шунчаки статус текшириб турилса етади.

ЎҚИНГ:Хушхабар: Google Maps’га 39та янги, жумладан, ўзбек тили ҳам қўшилди!

Google Maps «дунёнинг 80 та минтақаси»да харитада келаётган автобус ва трамвайларни ва бекатга тахминий келиб тўхташ вақтини кўрсатиб туради. Сиднейда йўловчилар транспортнинг тўлганлиги ёки ҳали нечта бўш жой борлигини аввалдан била олади.

Мусиқа остида олға

Яна бир хусусият навигатор режимида мусиқа қўйишни бошқариш функциясидан иборат. Apple Music ва Google Play Music’ни қўллаб қувватлайди.  Spotify билан эса янада чуқурроқ интеграция жорий қилинган, иловалардан иловаларга ўтаётганда ҳам плейлистлар ва  альбомларни кўриш мумкин.

ЎҚИНГ:Google Maps’нинг енгил талқини – Maps Go’ни исталган Android-қурилмага ўрнатамиз