Ҳамёнбоп, аммо юз сканерли Galaxy J4+ смартфони ҳам тайёр!
АҚШнинг Федерал алоқа комиссияси – FCC маълумотлар базасида Samsung компаниясининг ҳамёнбоп Galaxy J туркумидаги яна бир смартфони «қўлга тушди». Модел рақами SM-J415GN бўлган ушбу девайс бозорга Galaxy J4+ номи билан тақдим этилиши кутилмоқда.
ЎҚИНГ: Ҳамёнбоп Galaxy J туркумида иккита янги смартфон, биттасининг жиҳатлари ҳам маълум!
Янги смартфон шу йил баҳорда тақдим этилган Galaxy J4 (2018) моделининг яхшиланган версияси бўлиши кутилмоқда. Унга томонлари ўзаро 18,5:9 нисбатли, диагоналига 5,5 дюймлик экран ўрнатилади. Дисплейнинг тасвир аниқлиги HD форматида (1280х720 пикселли) бўлиши айтилган.
FCC сайтида эълон қилинган тасвирларга қараганда, Galaxy J4+ олд камераси фойдаланувчи юзини таниш орқали тизим қулфини очиш функциясига эга. Иккита SIM-карта билан ишлай олувчи бу смартфоннинг барча бошқарув тугмачалари экран остида бўлиши ҳам эслаб ўтилган.
FCC сертификациясидан ўтганига қараганда, Samsung Galaxy J4+ моделининг тақдимоти мана шу ёки кейинги чоракда бўлиб ўтиши мумкин.
Жанубий кореялик техногигант шу кунгача бозорга чиқарган аксарият русумлардаги смартфонлар эса Terashop.uz интернет-дўконимизда сотилмоқда. Улар билан танишиш, ўзингизга маъқул моделнинг хусусиятларини кўриш ва онлайн харид қилиш учун мана бу ҳавола орқали ўтишингиз мумкин.
